Biełaruskim dziaržaŭnym ŚMI zabaranili prychodzić na pres-kanfierencyju pasła Rasii. Pra heta radyjostancyi «Hovorit Moskva» paviedamiła krynica ŭ adnoj z redakcyj.
Pres-kanfierencyja Michaiła Babiča pavinna adbycca ŭ Minsku 18 sakavika. Jana budzie pryśviečana 5-hodździu anieksii Kryma.
U ahienctvie «Sputnik Biełaruś», jakoje arhanizuje pres-kanfierencyju Michaił Babiča, uskosna paćvierdzili hetuju infarmacyju. Pres-sakratar ahienctva Pavieł Tuchto raspavioŭ «Hovorit Moskva», što na hety momant na mierapryjemstva akredytavalisia vyklučna niedziaržaŭnyja ŚMI.
Akramia taho, pavodle krynicy radyjostancyi, biełaruskim dziaržaŭnym ŚMI zabaranili pisać pra intervju Babiča ahienctvu RIA «Novosti» ad 14 sakavika.
Čytajcie taksama:
Babič pra słovy nakont pahrozy suvierenitetu Biełarusi: Kali heta namioki na Rasiju, to heta zusim nie pa-partniorsku
MZS: Babič nie razumieje roźnicy pamiž fiederalnaj akruhaj i niezaležnaj dziaržavaj
Viadoma, što pres-kanfierencyju praihnarujuć nie tolki dziaržaŭnyja ŚMI. Mnohija niedziaržaŭnyja ŚMI taksama nie źbirajucca na jaje iści.
