U narviežskim horadzie Brumundale na bierazie najbujniejšaha ŭ krainie voziera ŭźviali samy vysoki draŭlany budynak u śviecie, piša BiełTA. Vyšynia 18-paviarchovaha budynka — 85,4 m, paviedamlaje anłajn-časopis ab architektury, interjery i dyzajnie Dezeen.
Fota Dezeen
Budynak, jaki atrymaŭ nazvu Mjostarnet, pabudavany z vykarystańniem šmatsłojnych draŭlanych klejenych panelaŭ (CLT) — navatarskaha materyjału, jaki dazvalaje architektaram uzvodzić zbudavańni z ekałahična čystaj draŭniny. U šmatfunkcyjanalnym kompleksie raźmieščany apartamienty, haścinica, basiejn, ofisnyja pamiaškańni i restaran.
Fota Dezeen
Fota Dezeen
Dom u Brumundale apiaredziŭ papiaredniaha suśvietnaha rekardsmiena bolš čym na 30 m — pabudavany z dreva i bietonu 53-mietrovy dom Brock Commons Tallwood znachodzicca ŭ Vankuviery.
Brumundal znachodzicca ŭ vobłaści Narviehii, dzie dobra raźvita bujnaja lasnaja i drevaapracoŭčaja pramysłovaść, tamu bolšaść materyjałaŭ, vykarystanych u budaŭnictvie draŭlanaha vyšynnaha doma, — miascovaj vytvorčaści.
