18-hadovaha Alaksandra Nieŭmiaržyckaha, jakoha ŭ sakaviku šukali i znajšli praz 10 dzion paśla źniknieńnia z vajskovaj čaści ŭ Piečach, kamisavali. Takoje rašeńnie pryniała vajenna-lekarskaja kamisija, raspaviali Tut.by u Minabarony.
«Pa zaklučeńni vajenna-lekarskaj kamisii Alaksandr Nieŭmiaržycki nie prydatny da vajskovaj słužby ŭ mirny čas i abmiežavana prydatny da vajskovaj słužby ŭ vajenny čas. Adpaviedna, jaho kamisavali i siońnia jon užo znachodzicca doma», — raspavioŭ aficyjny pradstaŭnik Ministerstva abarony Uładzimir Makaraŭ.
Pavodle jaho słoŭ, kamisija pryniała takoje rašeńnie litaralna napiaredadni. Pa jakoj pryčynie — nie ŭdakładniajecca, infarmacyju pra zdaroŭje chłopca vydavać nie mohuć.
U toj ža čas rasśledavańnie kryminalnaj spravy pa fakcie «samavołki» z vajskovaj čaści praciahvajecca, paćvierdziŭ Makaraŭ.
