Prezident Ukrainy Piatro Parašenka zajaviŭ, što maje namier znoŭ bałatavacca na pasadu kiraŭnika dziaržavy na nastupnych prezidenckich vybarach.
Pra heta jon zajaviŭ svaim prychilnikam, jakija sabralisia na akcyju «Dziakuju, Piatro» kala Administracyi prezidenta na vulicy Bankavaj u Kijevie. Tysiačy ludziej zapoŭnili prastoru pierad budynkam.
«My abjadnoŭvajemsia dla taho, kab zabiaśpiečyć našy supolnyja pieramohi ŭžo ŭ najbližejšaj budučyni. Sumiesna my idziem pieramahać na parłamienckich vybarach. Sumiesna my vierniemsia na vulicu Bankavuju paśla nastupnych prezidenckich vybaraŭ», — skazaŭ jon.
Ludzi skandavali łozunhi padtrymki Parašenki. Jaho prychilniki vysoka ceniać jaho ŭniosak u adradžeńnie armii, umacavańnie pazicyj ukrainskaj movy, stvareńnie aŭtakiefalnaj carkvy, a taksama dasiahnieńnie biaźvizavaha ruchu ź Jeŭropaj. U momant prychodu Parašenki da ŭłady Rasija sprabavała padzialić Ukrainu i adarvać ad jaje ŭvieś poŭdzień krainy, ale ŭkrainskaja armija zdoleła spynić praciŭnika ŭ Danbasie.
Akramia taho, navat praciŭniki Parašenki acanili toje, nakolki svabodna prajšli vybary i jak hodna dziejny prezident pryznaŭ svaju parazu.
