Na Mazyrskim NPZ z-za pastupleńnia niajakasnaj rasijskaj nafty źnižana zahruzka mahutnaściaŭ na 40%. Pra heta paviedamiŭ žurnalistam namieśnik staršyni kancerna «Biełnaftachim» Uładzimir Sizoŭ, piša BiełTA
«U ciapierašni čas vymušana była źnižana zahruzka i ŭ AAT «Naftan», i na Mazyrskim NPZ. My pajšli na źnižeńnie zahruzki prykładna na 40% na mazyrskim zavodzie i prykładna na 50% - na «Naftanie», - adznačyŭ Uładzimir Sizoŭ.
Jon taksama rastłumačyŭ, što ciapier prymajucca miery pa minimizacyi pastaŭki syraviny ź jakaściu, što nie adpaviadajuć standartam, šlacham raźviadzieńnia jaho inšymi hatunkami nafty, u tym liku pastaŭlenymi pa čyhuncy. «Papiaredniaha paviedamleńnia ab tym, što budzie pastupać nafta nieadpaviednaj jakaści, my nie atrymlivali», - udakładniŭ namieśnik staršyni «Biełnaftachima».
