kremlin.ru
U prezidenta Rasii Uładzimira Pucina raście niezadavolenaść u adnosinach da jaho biełaruskaha kalehi Alaksandra Łukašenki, paviedamlaje Bloomberg sa spasyłkaj na blizkija da Kramla krynicy. Pa ich słovach, rasijski lidar zaniepakojeny tym, što Minsk moža pasprabavać vyjści z-pad upłyvu Maskvy.
U Kramli ahienctvu pakul nie prakamientavali hetuju infarmacyju.
Biełaruś, jak piša Bloomberg, aścierahajecca cisku z boku Rasii, što vyjaŭlajecca ŭ tym liku ŭ pahrozach skaracić abjomy ekanamičnaj dapamohi. Niespakoj Minska moža być źviazany z płanami dźviuch krain pa dalejšaj intehracyi, pakazvajuć krynicy.
Biełaruski bok u apošnija tydni nieadnarazova vykazvaŭ niezadavolenaść dziejnaściu rasijskaha pasła ŭ Minsku Michaiła Babiča. Tak, Alaksandr Łukašenka abvinavačvaŭ dypłamata ŭ tym, što jon dezinfarmavaŭ žurnalistaŭ pa pytańni koštu sumiesnaha z Maskvoj prajekta AES, a MZS Biełarusi zajaŭlała, što Babič razburaje adnosiny pamiž dźviuma krainami.
Sprečka pamiž Maskvoj i Minskam pieryjadyčna abvastrajecca na fonie ekanamičnych roznahałośsiaŭ. Tak, Biełaruś niezadavolenaja padatkovym manieŭram u naftavaj halinie Rasii, z-za jakoha paliva budzie pastaŭlacca ŭ krainu pa suśvietnych cenach, i chacieła b atrymać ad rasijskaha boku kampiensacyju za heta, ale toj admaŭlajecca. Akramia hetaha abureńnie Minska vyklikała krasavickaja apieracyja rasijskich uładaŭ pa spynieńni kantrabandy ź Biełarusi ŭ RF, piša lenta.ru
