Prablema jakaści nafty, jakaja pastaŭlajecca pa naftapravodzie «Družba», nosić techničny charaktar i nie pavinna palityzavacca. Pra heta zajaviŭ žurnalistam rasijski vice-premjer Dźmitryj Kozak, paviedamlaje TASS.
«Heta techničnaja prablema, jaje nie treba palityzavać, pieryjadyčna takoje zdarajecca», — adznačyŭ jon. Pa słovach vice-premjera, na hety raz hranična dapuščalnaja kancentracyja škodnych rečyvaŭ akazałasia, adnak, istotna vyšejšaj, čym raniej.
Kampanii, vinavatyja ŭ paharšeńni jakaści nafty, i ich mieniedžmient paniasuć adkaznaść, dadaŭ Kozak.
«Kali budzie vyjaŭlena, chto źjaŭlajecca aŭtaram hetaha «tvora», to buduć užytyja adpaviednyja miery i finansavaj adkaznaści, i, całkam mahčyma, asabistaj adkaznaści słužbovych asob naftavych kampanij, jakija heta dapuścili», — padkreśliŭ jon.
Pa słovach vice-premjera, na punkcie ŭvachodu, dzie adbyłosia zabrudžvańnie nafty, pracujuć čatyry kampanii, što zdabyvajuć naftu. «Pracujuć pravaachoŭnyja orhany, pakolki škoda istotnaja i dla našych naftapierapracoŭčych zavodaŭ, i dla našych partnioraŭ, i dla samoj «Transnafty», — dadaŭ jon.