kremlin.ru
Premjer-ministr RF Dźmitryj Miadźviedzieŭ nie vyklučyŭ kryminalnaj adkaznaści vinavatych u incydencie z zabrudžvańniem nafty, jakaja pastaŭlajecca z Rasii ŭ Biełaruś pa trubapravodzie «Družba». Pra heta jon zajaviŭ žurnalistam pa vynikach svajho vizitu ŭ Jerevan, piša TASS.
«Biezumoŭna, z hetym treba raźbiracca, heta drenny incydent, jaki nieabchodna vielmi dakładna rasśledavać. Śledstva idzie i pa linii pravaachoŭnych orhanaŭ, i pa technałahičnaj linii. Vynikam hetaha razboru pavinny być rašeńni ab pryciahnieńni da adkaznaści vinavatych asob i — pry ŭstalavańni — vinavatych kampanij. Hetaja adkaznaść moža być administracyjnaj, moža być ekanamičnaj, heta značyć, hramadzianska-pravavoj, moža być i kryminalnaj», — skazaŭ Miadźviedzieŭ.
Pry hetym kiraŭnik rasijskaha Kabmina taksama adznačyŭ, što incydent z naftaj nijak nie paŭpłyvaje na pieramovy Maskvy i Minska, jakija tyčacca padatkovaha manieŭru. «Što tyčycca ŭviazki nastupstvaŭ hetaha incydentu i ŭsiakaha rodu inšych rašeńniaŭ, jakija znachodziacca ŭ pierymietry abmierkavańnia, to tut nijakaj ŭviazki być nie moža», - skazaŭ jon.
