Sud u Łondanie prysudziŭ zasnavalnika WikiLeaks Džulijana Asanža da 50 tydniaŭ turemnaha źniavoleńnia za parušeńnie ŭmovaŭ vychadu pad zakład, paviedamlaje Reuters.
«Vy nie zdavalisia palicyi pa ŭłasnym žadańni, pasolstva Ekvadora było vymušana dać dostup palicyi ŭ budynak», — skazała sudździa Debara Tejłar.
Pavodle jaje słoŭ, parušeńnie Asanžam umoŭ zakładu znachodzicca navat za miežami samych surjoznych pradjaŭlenych jamu abvinavačvańniaŭ.
U toj ža čas zasnavalniku WikiLeaks pradastaŭlena mahčymaść skaračeńnia terminu ŭdvaja, kali jon adbudzie pałovu terminu biez pravaparušeńniaŭ.
11 krasavika Asanž byŭ zatrymany i aryštavany ŭ pasolstvie Ekvadora ŭ Łondanie, dzie jon chavaŭsia z červienia 2012-ha, pa vydadzienym u tym ža hodzie ordery za niajaŭku ŭ sud.
Paviedamlałasia taksama, što jon dahladaŭ kata i nie prybiraŭ za im. I žyviolinu ŭ Asanža zabrali.
