Stary zamak u Hrodnie budzie adrestaŭravany ŭ vyhladzie karaleŭskaj rezidencyi, jakoj jon byŭ u XVI stahodździ.Ab hetym paviedamiŭ aŭtar i navukovy kiraŭnik prajekta restaŭracyi, architektar UP «Hrodnahramadzianprajekt» Uładzimir Bačkoŭ.
Prablema rekanstrukcyi Staroha zamka ŭ Hrodnie staić vostra ŭžo šmat hadoŭ. Apošni raz zamak, u jakim raźmiaščajucca siońnia ekspazicyi Hrodzienskaha historyka-archieałahičnaha muzieja, ramantavali ŭ 50-ja hady XX stahodździa. Adnak doŭhi čas adzinaj kancepcyi restaŭracyi kompleksu vypracavać nie ŭdavałasia.
Zhodna z detalovym płanam restaŭracyi, jaki Uładzimir Bačkoŭ raspracavaŭ jašče kala 20 hadoŭ tamu, pałova zamka (hałoŭny budynak ź viežami) mahła być adnoŭlena ŭ vyhladzie rezidencyi karala Rečy Paspalitaj Ściapana Batury.
Śpiecyjalna dla karala ŭ 1580 hodzie pa prajektu italjanskaha architektara Sanci Hučy zamak byŭ pierabudavany: uviančany dekaratyŭnym atykam, upryhožany reniesansnymi architekturnymi detalami, raznym arnamientam.Druhuju pałovu zamka Bačkoŭ zadumvaŭ adnavić u tym vyhladzie, u jakim jon isnavaŭ u XII stahodździ: adnavić draŭlanyja halerei ścien, adnavić Nižniuju carkvu. Pamiž častkami zamka płanavałasia raźmiaścić šklany paviljon, jaki ŭmiaściŭ by ŭ siabie archieałahičnuju ekspazicyju.
Adnak
ad rašeńnia sumiaścić u hrodzienskim zamku roznyja stahodździ ŭ vyniku vyrašana admovicca:zamak budzie całkam adnoŭleny jak rezidencyja Ściapana Batury.
Karaleŭski pałac budzie ŭpryhožany atykam z hrebieniem. Pa centry pałacavaha fasada raźmieścicca arkadnaja łodžyja. Fasady nabuduć bahatyja reljefnyja formy dziakujučy časanym detalam ź piasčaniku z vykarystańniem techniki hrafita. Zamak uviančajuć dźvie viežy, Siaredniaja i Vuhłavaja, nad ujaznoj bramaj źjavicca kupał. Unutranaje ŭbrańnie budzie adpaviadać uzroŭniu karaleŭskaj rezidencyi. Italjanskaja stol budzie ŭpryhožana raźboj i polichramijaj. Źjaviacca habieleny, piečy, kaminy.
Nižniaja carkva XII stahodździa padlahaje kansiervacyi i budzie ekspanavacca ŭ tym vyhladzie, u jakim jana zachavałasia da našaha času.
Pavodle słoŭ Uładzimira Bačkova, prajekt restaŭracyi raźbity na čerhi. Na siońnia vykanana 10 pracentaŭ prajektnych rabot. Kožny etap budzie prachodzić ekśpiertyzu i zaćviardžeńnie ŭ Ministerstvie kultury.