Tradycyjna pierad 9 Maja Bresckuju krepaść naviedvajuć tysiačy turystaŭ z Rasii. «Rasijski siezon» raściahvajecca na ŭsiu pieršuju dekadu miesiaca. Jon prynosić dobry dachod ahrasiadzibam, hatelam, kazino, a taksama prosta pradprymalnym maładym ludziam.
Napiaredadni Dnia Pieramohi ŭ Bresckaj krepaści — pik turystyčnaha siezona.
Na parkoŭcy pierad uvachodnaj bramaj małady chłopiec handluje «simvolikaj pieramohi»: čyrvonymi ściažkami z «hieorhijeŭskim» falkłoram, mahnicikami i piłotkami.
Małady pradprymalnik (sprava) raźmiaściŭ svoj tavar u starym «Miersedesie» na parkoŭcy kala Bresckaj krepaści. Pažyły turyst kupiŭ u jaho piłotku.
Sabiekošt hetaha šyrspažyvu kapieječny, ale turysty nie škadujuć hrošaj u simvaličnym miescy.
Małady bieraściejec zajmajecca raznosnym handlem u krepaści.
Handal viadziecca biez čekaŭ i kasavych aparataŭ, bo nichto nie budzie praviarać pradaŭcoŭ u «śviatym dla kožnaha savieckaha čałavieka miescy».
Chadavy tavar sioleta — piłotki časoŭ vajny.
Ułady Biełarusi sočać za tym, kab u publičnaj prastory haradoŭ, u tym liku i Bresta, daminavała biełaruskaja simvolika, u tym liku «kvietka mirnaha žyćcia» — jabłynievy ćviet na fonie biełaruskaha ściaha. Ale rasijskim turystam nichto nie pieraškadžaje vykazvać svaje pačućci, choć pa načach hieorhijeŭskija stužki cicha zdymajuć.
Rasijskija turysty paviazvajuć kuplenyja hieorhijeŭskija stužki na pomniki ŭ krepaści. Unačy ich cicha zdymajuć, kab nie dapuścić palityzacyi miemaryjała.
Dla pabudovy Bresckaj krepaści ŭ XIX st. rasijskija ŭłady źnieśli stary — hatyčny i baročny Bieraść — u tym liku zamak i Mikałajeŭskuju carkvu, u jakoj u 1596 hodzie była zaklučanaja Bieraściejskaja unija. U 1941 hodzie šmatliki harnizon krepaści ŭ pieršyja ž hadziny vajny akazaŭsia ŭ niamieckim akružeńni i niekalki tydniaŭ abaraniaŭsia (sam horad Brest niemcy zachapili za niekalki hadzin). Paśla vajny savieckija ŭłady nadali krepaści zvańnie «krepaść-hieroj». U cytadeli byŭ stvorany miemaryjał, dla stvareńnia bolšaha efiektu niekatoryja budynki źnieśli da stanu ruin. Taki los napatkaŭ, u pryvatnaści, Bieły pałac — były ŭnijacki bazyljanski manastyr, u jakim u 1918 hodzie byŭ padpisany Bieraściejski mir. Miemaryjał Bresckaj krepaści staŭ pomnikam trahizmu pieršych miesiacaŭ vajny, kali abiaskroŭlenaja stalinskimi represijami armija tolki canoj žachlivych strat spyniła nastup nacystaŭ.
Turysty robiać sełfi kala hałoŭnaha ŭvachodu ŭ saviecki miemaryjał.
Ekskursanty zapaŭniajuć most pierad Chołmskimi varotami krepaści.
Budzionaŭki, kufajki i navat kopii aŭtamataŭ — asartymient u Bresckaj krepaści.
Niekatoryja turysty z Rasii apranajucca ŭ formu časoŭ vajny.
Alpinisty myjuć ad lišajnikaŭ hałoŭny manumient Bresckaj krepaści.
