fota-Reuters
Kali śviet čakaje prysiahi 44-ha prezidenta ZŠA, Baraka Abamy, jakaja maje adbycca 20 studzienia la padnožža pahorku Kapitoliju ŭ Vašynhton, u toj ža čas aficyjnaja staronka kanstruktara Lego ŭžo zładziła svaju viersiju inaŭhuracyi pry dapamozie cacačnych piersanažaŭ i kubikaŭ.
U kampazicyi vykarystana bolš za tysiaču čałaviečkaŭ, i siarod ich admysłova vyštukavanyja fihurki, jakija ŭvasablajuć paru Abama i ich siamiejnikaŭ, vice-prezidenta, budučuju dziaržsakratarku Chiłary Klintan i jaje muža Biła, a taksama sychodziačaha kiraŭnika ZŠA Džordža Buša i navat papularnuju televiadučuju Opru Uinfry. «Pakolki naš sajt maje na mecie vychoŭvać dzietak, dyk my padumali, što heta budzie dobra raspavieści im pra amierykanski ŭrad i zrabić heta pry dapamozie rečaŭ, jakija jany zrazumiejuć», — zaznačyła presavaja sakratarka sajtu Džuli Astred.
Tysiača kubikaŭ pajšło na pabudovu samaho pahorka Kapitolija. Ale «Leha» nia pieršyja, chto źviarnuŭsia da temy mastackaha ŭvasableńnia novaha prezidenta: jahonaja fihura užo była vystaŭlenaja ŭ muzei voskavych postaciaŭ Madam Ciuso.
