1. Lehiendarny film «Terminatar-2» pa-biełarusku
Pieršy 3D-film u biełaruskaj ahučcy.
Stužka raskazvaje pra supraćstajańnie čałavieka i mašyny, jakoje ciahniecca dziesiacihodździ. Džon Konar, syn hałoŭnaj hieraini Sary Konar, abrany stać lidaram ludziej u ich baraćbie z kibarhami. Hość z postapakaliptyčnaj budučyni, niepieramožny terminatar novaj madeli maje namier pieraškodzić płanam Džona i źniščyć jaho. Na dapamohu hieroju prychodzić pieraprahramavany supracivam terminatar staroha pakaleńnia. Mietaličnyja zabojcy ŭstupajuć u śmiarotny boj, i tolki ad jaho finału zaležyć los čałaviectva.
Pahladzieć možna:
| 1 červienia ŭ Silver Screen («Halilea») — 16:15, Silver Screen («Arena-Sici») — 14:05, Silver Screen («Dana Moł») — 19:15. | 2 červienia ŭ Silver Screen («Halilea») — 16:15, Silver Screen («Arena-Sici») — 16:00, Silver Screen («Dana Moł») — 18:30. |
Cana: 10.00 — 24.00 BYN
2. Kiłamietr hramadskaj aktyŭnaści
«Art-Siadziba» čarhovy raz ładzić hodnaje mierapryjemstva. «Kiłamietr hramadskaj aktyŭnaści» — fest dla tych, chto ŭmieje pieraadolvać dystancyi. Tut praviaduć lekcyi, majstar-kłasy, dyskusii na temy ekałohii, hiendaru, śmiarotnaha pakarańnia, pravoŭ čałavieka, movy i kultury. Taksama budzie dziejničać Free Market i «Žyvaja biblijateka». Padrabiaznuju prahramu možna pahladzieć pa spasyłcy.
Naprykancy ŭdzielnikaŭ i haściej festu čakaje muzyčny vystup biełaruskaha hurta Akute.
Dzie: kulturnaja placoŭka Ok16 (Minsk, vuł. Kastryčnickaja, 16)
Kali: 1 červienia (subota), 13:00 — 20:00
Kolki: biaspłatna
3. Ahulnaja dyktoŭka
1-ha červienia kožny zmoža pravieryć viedy pa biełaruskaj movie. Sioleta nastaŭnikami buduć Arciom Łukjanienka i Ksienija Žuk (hurt Navi). A tekst, jaki prapanujuć napisać biełarusam, skłaŭ Andruś Horvat.
Pravierać pracy prafiesijnyja fiłołahi. Vyniki dyktoŭki adpraviać kožnamu indyvidualna razam z elektronnym siertyfikatam udzielnika. Dla tych, chto zachoča pravieryć siabie samastojna, aryhinał tekstu apublikujuć na staroncy prajekta ciaham niekalkich dzion paśla dyktoŭki. Vydatniki dyktoŭki atrymajuć pamiatnyja pryzy ad arhanizataraŭ.
Dla ŭdziełu nieabchodna zarehistravacca: lidskae.by/praektyi/agulnaya-dyiktouka-2019/
Tyja, chto ŭžo paśpieŭ heta zrabić, napišuć dyktoŭku ŭ Nacyjanalnaj biblijatecy. Inšyja ž taksama ŭsio jašče mohuć zarehistravacca i napisać jaje zavočna. Dyktoŭka budzie tranślavacca pa radyjo «Kultura» (102,9 FM u Minsku, 88,5 FM u Breście, 99,3 FM u Viciebsku, 91,5 FM u Homieli, 95,0 FM u Hrodnie i 99,1 FM u Mahilovie).
Dzie: Nacyjanalnaja biblijateka (Minsk, pr. Niezaležnaści, 116) ci luboje zručnaje dla vas miesca (zavočna)
Kali: 1 červienia (subota), 12:00
Kolki: biaspłatna
4. Dzień Šviecyi
Fota «Minsk-Naviny».
U subotu ŭ stalicy buduć adznačać Dzień Šviecyi. Ciaham tydnia ŭ Minsku možna było znajomicca z kulturaj hetaj krainy. A subota stanie łahičnym zaviaršeńniem šmatlikich šviedskich imprez. U Vierchnim horadzie, na placoŭcy kala Ratušy, budzie arhanizavanaja nievierahodnaja kolkaść aktyŭnaściaŭ. Tut možna budzie paŭdzielničać u interaktyŭnaj viktarynie, majstar-kłasach, spartovych mierapryjemstvach, pasłuchać dobruju muzyku.
Chedłajnieram śviata stanie šviedskaja muzyčnaja zorka, pieramožca «Jeŭrabačańnia-2012» Loreen, jakaja vystupić u viečarovaj prahramie. Padarunkam dla haściej Dnia Šviecyi stanie taksama kancert hurta J:Mors i kavier-benda Piatra Klujeva.
Padrabiaźniej paznajomicca z prahramaj možna tut.
Dzie: Vierchni horad, placoŭka kala Ratušy (st.m. Niamiha)
Kali: 1 červienia (subota), 13:00 — 23:00
Kolki: biaspłatna
5. Vystava «Biaźmiežniki»
«Biaźmiežniki» — heta tyja, chto akazvajucca za miežami aficyjnaj historyi mastactva, tyja, da kaho lubyja aznačeńni ŭ vyhladzie «aŭtsajdar-art», «art-brut», «devijantnaje mastactva» ci «mastactva asablivych mastakoŭ» vyjaŭlajucca abo niedastatkovymi, abo praźmiernymi.
Vystava skiravanaja na inkluziŭnaje ŭzajemadziejańnie ŭ mastackaj prastory. Jana źmiaščaje ŭ sabie pracy, stvoranyja ŭ ścienach damoŭ-internataŭ, a taksama pracy z kalekcyj psichijatraŭ. Naprykład, u pracesie daśledavańnia była znojdzienaja kalekcyja psichijatra Viktara Fieliksaviča Kruhlanskaha, jaki pracavaŭ u Navinkach z 1963 pa 1998 hady. U joj byli pracy Hienadzia Chackieviča, Alaksieja Ždanava, Vadzima Koškina, Siarhieja Kiruščanki, a taksama tvory pacyjentaŭ, što zastalisia biez aŭtarskich podpisaŭ.
Adna z asnoŭnych metaŭ vystavy «Biaźmiežniki» ŭ tym, kab sabrać u adnoj prastory i prademanstravać sposaby i formy isnavańnia mastactva, jakoje na praciahu dziesiacihodździaŭ było niabačnym i nieapaznanym.
Dzie: Halereja sučasnaha mastactva «Ŭ» (Minsk, vuł. Kastryčnickaja, 19)
Kali: 1 červienia (subota) i 2 červienia (niadziela), 12:00 — 20:00
Cana: 3.00 / 5.00 BYN
