Kiraŭnik polskaj dypłamatyi adznačaje, što palityki adroźnivajucca pa pavodzinach, ale jon upeŭnieny, što palityka Zialenskaha pa abaronie Ukrainy ad rasijskaj ahresii budzie padobnaja na palityku Parašenki, paviedamlaje UNIAN.
Ministr zamiežnych spraŭ Polščy Jacek Čaputovič raspavioŭ pra roźnicu pamiž prezidentam Ukrainy Uładzimiram Zialenskim i jaho papiarednikam Piatrom Parašenkam. Kiraŭnika MZS Polščy spytali, ci bačyć jon adroźnieńni pamiž pazicyjami Zialenskaha i Parašenki adnosna Danbasa i inšych pytańniaŭ.
«Ja tolki vykažu svajo ŭłasnaje mierkavańnie. Heta moj čaćviorty vizit za apošnija šeść miesiacaŭ. Takim čynam, ja dvojčy sustreŭsia z prezidentam Parašenkam i dvojčy — z prezidentam Zialenskim, i viadoma, jany adroźnivajucca, kali heta tyčycca pavodzinaŭ, jany adroźnivajucca fizična, ale ja dumaju, što palityka zastajecca anałahičnaj — heta prajeŭrapiejskaja palityka. Heta palityka, jakaja maje na mecie palepšyć žyćciovyja ŭmovy ŭkraincaŭ, urehulavać kanflikt na Danbasie, jak vy zhadali», — padkreśliŭ Čaputovič.
«Takim čynam, vidavočna, što hałoŭny kirunak źniešniaj palityki budzie zastavacca tym ža, heta značyć prajeŭrapiejskim i prazachodnim, i taksama ŭ pytańni abarony ad rasiejskaj ahresii», — zajaviŭ kiraŭnik MZS Polščy.
