Fota ź instahrama Kryšcijanu Ranałdu
Lijanel Mesi ličyć prodaž Kryšcijanu Ranałdu hałoŭnaj pryčynaj niaŭdałaha vystupleńnia madrydskaha «Reała» ŭ minułym siezonie. Staličnaja kamanda zaniała treciaje miesca ŭ čempijanacie Ispanii, a ŭ 1/8 finału Lihi čempijonaŭ pa sumie dvuch matčaŭ sastupiła amsterdamskaha «Ajaksu» (2:1, 1:4).
«Minułym letam ja ŭžo kazaŭ, što nielha adpuskać hulca, jaki zabivaje pa 50 hałoŭ za siezon. U vyniku z «Reałam» zdaryłasia toje, što i pavinna było zdarycca. Biez Ranałdu kłub apynuŭsia nie hatovy zmahacca za tytuły», — cytuje Mesi Marca.
Ranałdu pierajšoŭ u «Juvientus» z «Reała» letam minułaha hoda, suma ŭhody skłała €100 młn. U chodzie siezona jon pravioŭ za turynski kłub 43 matčy va ŭsich turnirach, zabiŭ 28 hałoŭ i zrabiŭ 13 vynikovych pieradač. Z «Juvientusam» napadajučy staŭ čempijonam Italii i ŭładalnikam Supierkubka krainy.
