MUS Rasii pryniało rašeńnie spynić kryminalny pieraśled žurnalista Ivana Hałunova ŭ suviazi ź niedakazanaściu jaho viny. Pra heta zajaviŭ ministr unutranych spraŭ Rasii Uładzimir Kałakolcaŭ, pieradaje RIA Novosti.
Abvinavačvańni z Hałunova źniatyja, jon budzie vyzvaleny z-pad chatniaha aryštu 11 červienia, dadaŭ kiraŭnik MUS.
Kałakolcaŭ taksama adznačyŭ, što materyjały rasśledavańnia z padraździaleńnia ŭłasnaj biaśpieki pa hetaj spravie nakiravanyja ŭ Śledčy kamitet. Palicejskija, jakija zatrymlivali Hałunova, na čas pravierki adchilenyja ad pracy.
Taksama ministr paabiacaŭ chadajničać pierad Uładzimiram Pucinym ab zvalnieńni hienierał-majora palicyi Andreja Pučkova.
Žurnalista «Mieduzy» Ivana Hałunova zatrymali 6 červienia pa padazreńni ŭ zbycie narkotykaŭ. Rašeńniem suda 8 červienia Hałunova źmiaścili pad chatni aryšt. Žurnalist na pasiadžeńni suda raspavioŭ, što jamu pastupali pahrozy pry padrychtoŭcy rasśledavańnia pra rynak pachavalnych pasłuh.
Zatrymańnie žurnalista vyklikała hramadski rezanans i salidarnaść žurnalisckaj supolnaści ŭ Rasii.
