Apielacyjny sud Kijeva admoviŭsia zadavolić pazoŭ Kamunistyčnaj partyi Ukrainy (KPU), u jakim jana prasiła pryznać procipraŭnym i admianić pastanovu CVK ab admovie ŭ rehistracyi kandydataŭ partyi ŭ deputaty na pazačarhovych vybarach u Viarchoŭnuju radu, paviedamlajuć infarmahienctvy.
Sud ličyć, što CVK pryniaŭ pravilnaje rašeńnie, kirujučysia zakonam «Ab asudžeńni kamunistyčnaha i nacyjanał-sacyjalistyčnaha (nacysckaha) tatalitarnych režymaŭ va Ukrainie i zabaronie prapahandy ich simvoliki». Zakon ustupiŭ u siłu 15 maja 2015 hoda.
Lidar Kampartyi Piatro Simanienka raskrytykavaŭ rašeńnie CVK.
Pazačarhovyja parłamienckija vybary na Ukrainie pryznačanyja na 21 lipienia. Lidaram parłamienckaj honki ź vialikim adryvam zastajecca prezidenckaja partyja «Słuha naroda», za jakuju hatovyja addać hołas 47,5% apytanych. Pieraadolvajuć piacipracentny barjer partyi «Apazicyjnaja płatforma - Za žyćcio» (Juryj Bojka, Vadzim Rabinovič, Viktar Miedviadčuk), «Baćkaŭščyna» (Julija Cimašenka), «Jeŭrapiejskaja salidarnaść» (Piatro Parašenka), «Hołas» (Śviatasłaŭ Vakarčuk).
