Najbolš papularnaj markaj siarod narviežcaŭ stała Tesla. Amierykanskaj kampanii naležyć 24,5% prodažaŭ aŭto za červień, a heta — 3,7 tysiačy. Z pačatku hoda kampanija pradała 12,6 tysiačy mašyn, zaniaŭšy 16,1% rynku.
Na druhim miescy zamacavalisia mašyny Volkswagen, jakich za červień było pradadziena 1,8 tysiačy. Marka adchapiła amal 12% rynku za pieršy letni miesiac, a z pačatku hoda jana pradała 10,2 tysiačy aŭto (13% ad ahulnych prodažaŭ).
Treciaje miesca zachapili mašyny japonskaj marki Toyota — 1,7 tysiačy aŭto za červień (11,4%) i 7,9 tysiačy z pačatku hoda (10.1% rynka).
Bolš padrabiazna z prodažami aŭtamabilaŭ u Narviehii aznajomciesia ŭ tablicy.
U paviedamleńni nie nazyvajecca, kolki elektryčnych i hibrydnych aŭto pradali inšyja marki, jakija majuć u svaim arsienale jašče i mašyny na palivie.
Varta adznačyć, što ciapier pakazčyk prodažaŭ elektrakaraŭ u Narviehii niedasiažny dla luboj inšaj krainy śvietu i tut nie źbirajucca spyniacca na ciapierašnich vynikach. Tak, užo z 2025 hoda ŭ krainie raźličvajuć, što ŭsie novyja mašyny buduć vyklučna elektryčnymi.
