Navukoŭcy ź miedycynskaha centra Univiersiteta Niebraski ŭpieršyniu całkam vydalili VIČ z žyvoha arhanizma z dapamohaj hiennaha redaktara CRISPR-Cas9. Daśledavańnie apisana ŭ časopisie Nature Communications.
Adnoj z pryčyn ciažkaha lačeńnia VIČ źjaŭlajecca toje, što virus, kali jon nie zaniaty razmnažeńniem i raspaŭsiudžvańniem pa ŭsim ciele, moža biaździejničać i zastavacca niabačnym dla imunnaj sistemy. Jak tolki virus vychodzić ź jaje pola zroku, jon znoŭ pačynaje razmnažacca i raspaŭsiudžvacca pa arhaniźmie.
Isnujučyja preparaty dobra kantralujuć praces razmnažeńnia i pieradačy virusa, adnak nie zdolnyja całkam vydalić VIČ z arhanizma.
Ekśpierymient pravodziŭsia na myšach — spačatku hryzunoŭ zarazili VIČ, a zatym lačyli z dapamohaj LASER ART. Mietad dazvoliŭ źnizić kolkaść virusaŭ da vielmi nizkaha ŭzroŭniu — zatym daśledčyki z dapamohaj CRISPR-Cas9 vyrazali paśladoŭnaści DNK z kletak, u jakich zastaŭsia virus.
