Pa kryminalnaj spravie ab vybuchach fiejervierkaŭ u Minsku zatrymanyja padazravanyja, piša Śledčy kamitet.
Akazałasia, što ŭ pracesie zaradžańnia salutnych ustanovak pradstaŭniki pradpryjemstva-pastaŭščyka dapuścili parušeńnie paradku raboty ź fiejervierkami. A mienavita ažyćciaŭlali miechaničnaje ŭździejańnie na zarady piratechniki pry zaradžańni marcir, nie praduhledžanaje praviłami abychodžańnia ź imi.
28-hadovy i 25-hadovy mužčyny prybyli ŭ Biełaruś śpiecyjalna dla akazańnia techničnaj i inšaj dapamohi pry padrychtoŭcy da śviatočnaha salutu.
Ich abvinavačvajuć u parušeńni pravił abychodžańnia z vybuchaniebiaśpiečnymi rečyvami, piratechničnymi vyrabami, što paciahnuła pa nieaściarožnaści śmierć čałavieka.
Padazravanych zatrymali. Rasśledavańnie praciahvajecca.