1. Kinaviečar u Silent-farmacie «Sinemascope»
10 lipienia vas zaprašajuć pahladzieć filmy pad adkrytym niebam u samym centry Minska. Pakažuć karotkamietražki šviejcarskaha režysiora Žorža Švichiebiela. Pačuć huk filmaŭ zmohuć tolki tyja, chto skarystajecca biespravadnymi słuchaŭkami. Ale nie treba turbavacca, pra heta pakłapacilisia arhanizatary — słuchaŭki vy zmožacie atrymać na miescy pierad pačatkam prahladu kinastužak.
Kab pahladzieć niezvyčajnyja filmy, treba zarehistravacca.
Dzie: Płošča Jakuba Kołasa, Minsk
Kali: 10 lipienia (sierada): 19:00, 19:30, 20:00
Kolki: biaspłatna
2. Kancert Our Last Night
Majstry mieładyčnaha post-chardkora i huru krutych kavieraŭ viartajucca ŭ Minsk — chłopcy viazuć nam novy albom «Let Light Overcome», reliz jakoha adbyŭsia hetaj viasnoj.
Kvitki na kancert možna nabyć na bezkassira.by. Ale varta pryśpiešycca, ich zastałosia nie tak šmat.
Dzie: Re:Public (Minsk, vuł. Prytyckaha, 62)
Kali: 11 lipienia (čaćvier), 19:00
Kolki: 55.00 BYN
3. Cykł niasumnych lekcyj «Korpus kaža»
Kožny paniadziełak «Korpus» zaprašaje na adukacyjnyja sustrečy. 8 lipienia šeść maładych i talenavitych daktaroŭ vystupiać ź mini-lekcyjami (da 10 chvilin), na jakich zakranuć pytańni svaich śpiecyjalnaściaŭ i padrabiazna raskažuć pra hałoŭnaje.
Na lekcyi vy daviedajeciesia:
- jak pravilna akazvać pieršuju dapamohu pry ŭtapleńni;
- što rabić, kali dzicia prahłynuła štości drobnaje (naprykład, leha) i pačynaje na vašych vačach sinieć i zadychacca;
- jak biaśpiečna adbialić zuby i ci pracujuć sučasnyja razrekłamavanyja prybory dla adbielvańnia zuboŭ?
- praŭdzivyja čutki pra škodu łaziernaj karekcyi zroku ci heta ŭsiaho tolki mify?
Chacia mierapryjemstva i nazyvajecca «lekcyjaj», pytańni i kamientary roznaha kštałtu tolki vitajucca.
Dzie: «Korpus» (Minsk, pr-t. Mašerava, 9/8)
Kali: 8 lipienia (paniadziełak), 20:00
Kolki: biaspłatna
4. Dehustacyja vina Proba
11 lipienia ŭ Minsku projdzie Proba — dehustacyja, pabyvaŭšy na jakoj vy navučyciesia vybirać dobraje vino i pry hetym nie addavać vialikija hrošy.
Proba — novy i śviežy farmat vinnaj dehustacyi. U pryjemnaj atmaśfiery pad elektronnuju muzyku hości zmohuć daviedacca šmat novaha pra napoj.
Nabyć kvitok na dehustacyju možna na sajcie arhanizataraŭ.
Pamiatajcie: praźmiernaje ŭžyvańnie ałkaholu škodzić vašamu zdaroŭju.
Dzie: Post Bar (Minsk, vuł. Rakaŭskaja, 20)
Kali: 11 lipienia (čaćvier), 19:00
Kolki: 45.00 BYN