pixabay.com
Dekret №2, u syviazi ź jakim antytytuniovaj zakanadaŭstva ŭ Biełarusi stanovicca bolš žorstkim, ustupiŭ u siłu siońnia, paviedamlaje BIEŁTA.
Dekret utrymlivaje šerah zabaranialnych zachadaŭ. U liku asnoŭnych — zabarona na rekłamu vadkaściaŭ dla elektronnych sistem kureńnia, zabarona ich realizacyi mietadam adkrytaj vykładki, jakaja da hetaha datyčyłasia prodažu tytuniovych vyrabaŭ.
U kramach i paviljonach handlovaj płoščaj pamieram 1 tys. i bolš kv.m z 1 studzienia 2020 hoda prodaž vyšejzhadanych tavaraŭ budzie vieścisia tolki praz adasoblenyja tavarnyja adździeły.
Z 1 studzienia 2022 hoda, budzie ŭviedziena zabarona na vykarystańnie abstalavańnia, jakoje raźmiaščajecca nad kantrolna-kasavymi vuzłami.
U metach stvareńnia biazdymnaha asiarodździa abjekty, u jakich zabaraniajecca kureńnie, padzieleny na dźvie katehoryi: u jakich całkam zabaroniena kureńnie i niemahčyma stvarać śpiecyjalnyja zony dla kureńnia, i tyja, u jakich kureńnie zabaroniena, ale pry hetym pavinny być stvoranyja admysłova pryznačanyja dla hetaj mety miescy.
Tak, da abjektaŭ, u jakich ustanoŭlena poŭnaja zabarona na kureńnie, adniesieny stancyi mietrapalitena, hramadski transpart, lifty, dziciačyja placoŭki, aŭtamabili, kali ŭ ich prysutničajuć dzieci va ŭzroście da 14 hadoŭ.
Da abjektaŭ, u jakich kureńnie dazvolena ŭ śpiecyjalna stvoranych dla hetaj mety miescach, adniesieny arhanizacyi achovy zdaroŭja, kultury, fizičnaj kultury i sportu, arhanizacyi, jakija akazvajuć sacyjalnyja pasłuhi, handlovyja abjekty, abjekty bytavoha absłuhoŭvańnia i hramadskaha charčavańnia (u tym liku tak zvanyja letnija placoŭki), dziaržaŭnyja orhany, vakzały, aeraporty, terytoryi plažaŭ.
Abjekty, dzie kureńnie tytuniovych vyrabaŭ zabaroniena, pavinny paznačacca śpiecyjalnym znakam ab zabaronie kureńnia, patrabavańni da jakoha i paradak jaho raźmiaščeńnia vyznačyć Ministerstva achovy zdaroŭja.
