Rasijski prezident Uładzimir Pucin pahruziŭsia ŭ batyskafie na dno Finskaha zaliva. Znachodziačysia ŭ kabinie aparata «Si Ekspłorier-3» jon ahledzieŭ dno zaliva i patanułuju padłodku Ŝ-308 «Siomha».
Pucin spuściŭsia na dno Finskaha zaliva 27 lipienia, kab ušanavać pamiać patanułych na borcie łodki padvodnikaŭ u hady Druhoj vajny suśvietnaj vajny, jakija padarvalisia na niamieckaj minie. Hłybinia apuskańnia składała 50 m.
Padłodku Ŝ-308 «Siomha» skanstrujavali ŭ 1930 hodzie na zavodzie «Čyrvonaje Sormava», u 1935-m jana ŭvajšła ŭ skład Bałtyjskaha fłotu. U vieraśni 1942 hoda paśla źniščeńnia troch sudoŭ praciŭnika «Siomha» atrymała paškodžańni pry vybuchu miny na linii niamieckaj minnaj zaharody «Ziejenhiel» («Marski vožyk»). Na padłodcy znachodziŭsia ekipaž z 40 čałaviek.
Siońnia ž Pucin u Sankt-Pieciarburhu sustreŭsia z členami siemjaŭ zahinułych 1 lipienia ŭ Barancavym mory marakoŭ-padvodnikaŭ z atamnaj hłybakavodnaj stancyi AS-31 («Łašaryk»).
