Sałdat terminovaj słužby znajšoŭ piensijaniera, jaki pajšoŭ u hryby i źnik, paviedamili va UUS Homielskaha abłvykankama.
U piatnicu ŭviečary ŭ apieratyŭna-dziažurnuju słužbu Homielskaha RAUS źviarnułasia žycharka abłasnoha centra. Jana paviedamiła, što na pačatku siomaj hadziny ranicy 75-hadovy muž pajšoŭ z dačy ŭ hryby ŭ les kala vioski Prybar i źnik. Mabilny telefon piensijaniera byŭ u zonie dziejańnia sietki, ale hrybnik nie adkazvaŭ.
Na pošuki adpravilisia supracoŭniki rajadździeła milicyi, Departamienta achovy sa słužbovym sabakam i vałanciory pošukava-vyratavalnaha atrada «Simuran». Načnyja pošuki byli biezvynikovymi.
Siońnia ranicaj da pošukaŭ dałučylisia supracoŭniki MNS, leśniki i sałdaty terminovaj słužby vajskovaj čaści 5525 unutranych vojskaŭ MUS Respubliki Biełaruś. Staŭšy łancužkom, pačali pračesvać les.
Za try kiłamietry ad dačnaha kaapieratyva, dzie pražyvaŭ źnikły hrybnik, jaho znajšoŭ sałdat terminovaj słužby 1-j patrulnaj roty 1-ha patrulnaha bataljona radavy Vital Lepataŭ. Jon adrazu ž paviedamiŭ pra heta kamandziru ŭzvoda.
Kali piensijaniera znajšli, toj lažaŭ na ziamli. Byŭ u prytomnaści, nazvaŭ svajo imia i miesca žycharstva, adnak samastojna padniacca nie moh. Sałdaty napaili pažyłoha čałavieka vadoj z vajskovaj plaški. Miedyki chutkaj dapamohi špitalizavali jaho ŭ miedustanovu.
Paralelna z pošukami piensijaniera ŭ Homielski RAUS pastupiŭ zvanok jašče adnaho 73-hadovaha hrybnika, jaki zabłudziŭsia ŭ lesie kala vioski Ščerbaŭka. Leśniki dapamahli hamielčuku vyjści da aŭtatrasy. Tam jaho padabrali supracoŭniki milicyi i pieradali svajakam.
