Mnohija znakamitaści stali abjektami krytyki, kali jany adpravilisia na kanfierencyju pa źmianieńni klimatu Google Camp u Italii na supierkarach, darahich jachtach i bolš čym 100 pryvatnych samalotach, piša Daily Mail.
Hości, siarod jakich Arłanda Błum, Keci Pery, Barak Abama, prync Hary i mnohija inšyja sielebryci kłasa A, byli abvinavačanyja ŭ kryvadušnaści paśla taho, jak jany sabralisia na hetym tydni, kab abmierkavać navakolnaje asiarodździe, pakinuŭšy pry hetym značny vuhlarodny śled.
U Palerma pavinny byli pryziamlicca kala 114 samalotaŭ, niekatoryja pryvieźli svaje supier-jachty na trochdzionnuju kanfierencyju.
Viadučy Bi-bi-si Endru Nił byŭ siarod tych, chto adznačyŭ iraničnaść situacyi: «Mnostva znakamitaściej i bahatych ludziej prybyli na Sicyliju dla kanfierencyi Google. Jany prybyli na 114 pryvatnych samalotach i fłatylii supier-jacht. Kanfierencyju pra hłabalnaje paciapleńnie».
Mierapryjemstva Google Camp, stvoranaje suzasnavalnikami Google Łary Pejdžam i Siarhiejem Brynam, — heta sakretny łahier, dzie sacyjalnyja sietki zabaronienyja. Hłabalnaje paciapleńnie było temaj sioletniaha Google Camp.