Vybuch la ankalahičnaha centru ŭ stalicy Ehiptu ŭ noč na 5 žniŭnia zabraŭ žyćci 19 čałaviek, nia mienš za 30 paciarpieli, paviedamlaje radyjo «Svaboda» sa spasyłkaj na Deutsche Welle. Pryčyny vybuchu pakul nieviadomyja.
Pavodle dadzienych ehipieckaha Ministerstva achovy zdaroŭja, vybuch adbyŭsia ŭ vyniku DTZ z udziełam niekalkich aŭtamabilaŭ. Paviedamlajecca, što jaho śledztvam staŭ bujny pažar.
Palicyja pakul nie paviedamlaje pryčynaŭ vybuchu — hienprakuror Ehipta adpraviŭ na miesca zdareńnia pracoŭnuju hrupu śledčych. Niekatoryja miascovyja ŚMI pišuć, što pryčynaj trahiedyi moh stać balon z kisłarodam, jaki razarvaŭsia, adnak niezrazumieła, znachodziŭsia jon unutry budynka ci zvonku.
U kancy lipienia avijakampanii Lufthansa i British Airways abviaścili pra časovaje spynieńnie palotaŭ u Kair, patłumačyŭšy hetuju mieru kłopatam pra biaśpieku pasažyraŭ. Padrabiaznaści ab pryčynach hetaha kroku avijakampanii nie paviedamili.
