Prapusknaja zdolnaść punkta propusku «Kamienny Łoh» na biełaruska-litoŭskaj miažy paśla jaho rekanstrukcyi pavialičycca ŭ try razy, paviedamlaje Dziaržaŭny mytny kamitet.
Kali siońnia prapusknaja zdolnaść składaje 2 tysiačy aŭtamabilaŭ, to paśla rekanstrukcyi z 2020 hoda jana składzie 6 tysiač — 3,5 tysiačy lehkavych, 2,4 tysiačy hruzavych, 100 aŭtobusaŭ.
U punkcie propusku ŭpieršyniu budzie praduhledžana reviersiŭnaja kanalnaja sistema dla afarmleńnia transpartnych srodkaŭ z 32 kanałaŭ — pa 16 u kožnym kirunku.
U zaležnaści ad kolkaści transpartnych srodkaŭ na ŭjezd abo vyjezd z krainy, kolkaść kanałaŭ možna budzie źmianiać pa napramkach ruchu. Hetaja sistema dazvolić zrabić pracu punkta propusku bolš zručnaj.
0
0
0
0
0
0
