Vizit viarchoŭnaha pradstaŭnika Jeŭrasajuza pa zamiežnych spravach i palitycy biaśpieki Fiederyki Mahieryni ŭ Biełaruś płanujecca ŭ kastryčniku. Pra heta paviedamiła siońnia kiraŭnik pradstaŭnictva ES u Biełarusi Andrea Viktaryn na sustrečy z premjer-ministram Siarhiejem Rumasam, pieradaje BiełTA.
«Fiederyka Mahieryni źbirajecca naviedać Minsk u kastryčniku, ź ministram zamiežnych spraŭ Uładzimiram Makiejem u nas było abmierkavańnie daty vizitu», — adznačyła Viktaryn.
Na jaje dumku, dasiahnuty prahres u adnosinach Biełarusi i Jeŭrasajuza sapraŭdy možna nazvać značnym. «Ja pierakananaja, što pakul my budziem čuć adzin adnaho, my možam znachodzić rašeńnie lubych prablem», — skazała kiraŭnik pradstaŭnictva ES.
Andrea Viktaryn źviarnuła ŭvahu, što vizity samaha vysokaha ŭzroŭniu ŭ Biełaruś pačaščajucca, kraina aktyŭnaja va «Uschodnim partniorstvie», i Brusel nadta heta cenić.
Asobna jana adznačyła namahańni Biełarusi pa ŭrehulavańni situacyi va Ukrainie. «Biełaruś zajmaje vielmi kanstruktyŭnuju pazicyju adnosna kryzisu va Ukrainie i ihraje kanstruktyŭnuju rolu ŭ jaho ŭrehulavańni, i hetuju rolu pryznaje ŭsia Jeŭrapiejskaja kamisija. Heta sadziejničaje ŭstalavańniu i ŭmacavańniu miru», — skazała Andrea Viktaryn.
