Mižnarodny pčalarski kanhres projdzie ŭ Biełarusi ŭ 2020 hodzie. Takuju inicyjatyvu padtrymaŭ namieśnik premjer-ministra Uładzimir Dvornik siońnia ŭ čas pryjomu hramadzian u Saviecie Ministraŭ, pieradaje BiełTA.
Probašč minskaha kaścioła śviatych Symona i Aleny Uładzisłaŭ Zavalniuk źviarnuŭsia da vice-premjera z prapanovaj pravieści ŭ Minsku ŭ vieraśni 2020 hoda mižnarodny kanhres Fiederacyi pčalarskich arhanizacyj Jeŭropy i Azii. Pavodle jaho słoŭ, na kanhres mohuć źlaciecca ad 3 da 5 tysiač čałaviek.
Dvornik ŭchvaliŭ inicyjatyvu i pacikaviŭsia mahčymaściami finansavańnia. Zavalniuk adkazaŭ, što srodki buduć adšukanyja. Vice-premjer daručyŭ namieśniku ministra sielskaj haspadarki i charčavańnia Iharu Bryło stvaryć arhkamitet pa padrychtoŭcy kanhresa.
