Archieołahi i vałanciory na bierazie voziera Čarśćviady va Ušackim rajonie vyjavili frahmienty zaharadnaj rezidencyi połackich kniazioŭ XII stahodździa, pieradaje BiełTA.
Archieałahičnaja ekśpiedycyja idzie treci tydzień.
Kamanda, jakaja adšukała rezidencyju połackich kniazioŭ. Fota z fejsbuka Marata Klimava.
Historyk Vasil Varonin ŭ svoj čas vykazvaŭ hipotezu, što ziemli i dvary połackaha vajavody XVI stahodździa, jakija mieścilisia tut, mohuć być spadčynaj bolš rańniaha pieryjadu. «Nam udałosia dakazać, što tut byli kniažackija daminijalnyja ŭładańni. Ciapier znajšli ich kankretnaje miesca», — raspavioŭ archieołah Marat Klimaŭ.
Śpiecyjalisty vyjavili pieč, knižnuju zašpilku XII stahodździa, nakaniečnik strały, kieramiku.
Knižnaja zašpilka CHII stahodździa. Fota z fejsbuka Marata Klimava.
Znachodki śviedčać, što tut žyła i adpačyvała statusnaja asoba.
«Padobnyja frahmienty rezidencyi za miežami haradoŭ my identyfikujem ŭpieršyniu ŭ historyi archieałohii Biełarusi. Nazvać kankretnyja imiony kniazioŭ, jakija tut mahli žyć, nie možam.
Tearetyčna, tut moh byvać Usiasłaŭ Čaradziej «, - dadaŭ archieołah Marat Klimaŭ.
Tut znajšli čałaviečyja pareštki. Fota z fejsbuka Marata Klimava.
Nie vyklučana, što ŭ čas mižusobicy kniažaja rezidencyja była spalenaja. Tut znajšli čałaviečyja pareštki, pakul nieviadoma, jakoha pieryjadu.