Jak paviedamili «Našaj Nivie» u Ministerstvie abarony, siońnia pad Połackam adbyłosia darožnaje zdareńnie z udziełam bajavoj techniki, a mienavita — kompleksam S-300.
Tak vyhladaje S-300, fota militaryarms.ru.
«Kałona bajavoj techniki adnoj z čaściej Połackaha harnizona ruchałasia ŭ punkt stałaj dysłakacyi paśla vykanańnia vučebna-bajavych zadač, — raskazała aficyjny pradstaŭnik Minabarony Natalla Haŭrusik. — Adzin z kiroŭcaŭ, vajskoviec terminovaj słužby, nie daŭ rady kiravańniu i źjechaŭ z darohi, kirujučy kompleksam S-300 z makietami rakiet. Chutkaść była nievialikaj — 30 km/h, tamu nichto nie paciarpieŭ, kali nie ŭličvać numarny znak».
Haŭrusik cytuje słovy chłopca, jaki kiravaŭ mašynaj, što toj nie spraviŭsia z technikaj na pavarocie.
