Ołdskulny fešn-markiet, łajn-ap dla miełamanaŭ i jašče 8 nahod pajści na A-Fest

10 žniŭnia ŭ Łošyckim parku ŭ čaćviorty raz adbudziecca maštabny fiestyval piva i ježy A-Fest. U hetym hodzie chedłajnierami najbujniejšaha biaspłatnaha letniaha open-ejra stanuć repier K-Maro, chip-chop hurt «Bumboks» i rokiery Nizkiz. Na feście ŭpieršyniu źjavicca zona «A-Fešn», dzie možna sabrać modny łuk z ołdskulnych rečaŭ, a potym u im ža tančyć pad chity z svajho 2007-ha. Dziesiać pryčyn nie prapuścić novy A-Fest — u vialikim fiestyvalnym hajdzie.

Nahoda 1. Łajn-ap dla miełamanaŭ

U hetym hodzie ŭ Minsku vystupiać repier K-Maro, čyj chit Femme Like You dobra znajomy prychilnikam muzyki nulavych, chitovyja ŭkraincy «Bumboks» i, mabyć, hałoŭny fiestyvalny hurt Biełarusi Nizkiz. Sa sceny ŭ parku taksama prahučać bałkana-cyhanskija miełodyi PlumBum, chulihanski fank Groove Dealers, intelihientny elektra-pop Palina i tancavalny pop-pank O.Torvald. Zdajecca, budzie #dźviž!

Nahoda 2. Fudkort, na jakim vielmi smačna

Burhiery, chot-dohi, pica, šaurma, miasa i harodnina na hryli — fudkort na A-Fest naviedvalniki lubiać za raznastajnaść. U hetym hodzie na fiestyvali svaje vyjaznyja restarany adkryjuć hastrapab «Hambrynus», kafe Garage, TNT Rock Club, «Rakaŭski brovar», sietka TokiNY i inšyja ŭpadabanyja minčukami ŭstanovy. Prychodzić na hałodny straŭnik — pravilna!

Nahoda 3. Fešn-markiet, dzie ŭsio pa ołdskule

Upieršyniu na fiestyvali źjavicca zona «A-Fešn», dzie možna prydbać vobraz u duchu «staroj škoły»: alimpijki i lehinsy z baćkoŭskaj šafy pa canie ad 5 rubloŭ abo stylovyja šorty-majtki, vypuščanyja śpiecyjalna da fiestyvalu. Z 12:00 da 17:00 zapłanavany majstar-kłasy pa stvareńni fajnych łukaŭ ź vintažnych rečaŭ, pakaz retra-kalekcyi i konkurs ołdskulnych kaściumaŭ. Haściam fiestyvalu prapanujuć zrabić načos, jak u 80-ch, abo jarkija strełki ŭ styli 90-ch, a taksama pieratvaryć lubimuju staruju kurtku ŭ trendavuju reč. Nie ździŭlajciesia, kali ŭ parku budzie šmat frykaŭ i inšych piersanažaŭ, apranutych pa ołdskule — heta rekamiendavany dres-kod.

Nahoda 4. Łošycki park jak lepšaja haradskaja fotazona

Jabłynievyja sady, ruiny staroha młyna i brovara, žyvapisnyja zialonyja łužki, dzie zručna raźmiaścicca dla letniaha piknika. Ciažka ŭjavić bolš malaŭničuju fotazonu dla kadraŭ na ŭvieś hod. Adrazu piać fotazon abstaluje ŭ Łošyckim parku «Alivaryja», tamu abaviazkova zaradzicie smartfon pierad festam ci nie palanujeciesia ŭziać fotaaparat.

Nahoda 5. Muzyčny kviz «Sam Šazam».

Nie prosta dobry kviz, a paŭnavartasnaje muzyčnaje šou z žyvym bendam. Adhadvajcie viadomyja, vielmi viadomyja i zabytyja pieśni razam ź siabrami. Nie viedajecie adkaz? Tancujcie pad kłasnyja aranžyroŭki.

Nahoda 6. Valejboł, letni chakiej i inšyja vidy sportu

Na fiestyvali adkryjuć dziasiatak zabaŭlalnych placovak z aktyŭnymi hulniami. Lubicie spaborničać — zhulajcie ŭ vuličnaha «sapiora» ci narešcie raźbiaryciesia ŭ praviłach pietank, adčuvajecie siabie vaŭkom-adzinočkaj — pastralajcie pa piŭnych bočkach miačami. Z saboj u park možna i treba brać fryśbi, rakietki dla badmintona, šachmaty i šaški — usio toje, što spatrebicca dla dobraha adpačynku na travie.

Nahoda 7. Placoŭki dla maleńkich i vielmi maleńkich hledačoŭ

U dziciačym haradku možna ažyvić raśliny i žyviołak na vielizarnaj razmaloŭcy, zhubicca ŭ zabłytanym łabiryncie z Funtastic abo pahaniać z vodnymi pistaletami. Akvahrymiory dapamohuć maleńkim biełarusam pieratvarycca ŭ hierojaŭ lubimych komiksaŭ. Spatolić smahu i nabracca sił dla novaj hulni baćki i dzieci zmohuć u dvuch łakacyjach z kvasam «Alivarski».

Nahoda 8. Dzień naradžeńnia na fiestyvali

Fest pryśviečany 155-hodździu pivavarnaj kampanii «Alivaryja», tamu ŭ honar śviata na A-Fest ustalujuć dvuchmietrovy art-tort. Adłamić kavałačak ad jaho nie atrymajecca, a voś pradehustavać novy hatunak «Alivaryja Bahiemskaje Paravoje», vypuščany admysłova da 155-hadovaha jubileju, — kali łaska.

Nahoda 9. Ekskursii na retra-busie

10 žniŭnia — heta mahčymaść jašče raz prakacicca na retra-busie mima histaryčnaha budynka «Alivaryi» i paznajomicca z brovaram z najbahaciejšaj u Biełarusi historyjaj. Ahladnyja ekskursii pa stalicy na čyrvonym vintažnym aŭtobusie zapuściŭ minčuk Alaksiej Kazłovič jašče ŭ pačatku maja. Jon svaimi rukami sabraŭ kopiju ZIS-8, kab vazić na joj turystaŭ. Pajezdki ŭ standartnym farmacie, biez znajomstva z «Alivaryjaj», praciahnucca i paśla fiestyvalu. Zapisacca na adnu ź piaci štodzionnych ekskursij možna pa telefonie, pakazanym na sajcie.

Nahoda 10. Vialikaja piŭnaja dehustacyja

Jeŭrapiejski fiestyval A-Fest asabliva pryvabny dla miełamanaŭ, jakija addajuć pieravahu tamu, kab słuchać dobruju muzyku z kuflem chałodnaha piva ŭ ruce. Haściam dla dehustacyi prapanujuć adrazu 12 hatunkaŭ: poŭnuju liniejku «Alivaryja», u tym liku i navinku «Alivaryja Bahiemskaje Paravoje», Karol Jan Ruby i Karol Jan Hello Honey, raźlivanaje Grimbergen i dva biezałkaholnyja hatunki «Bałtyki». Piva buduć prapanoŭvać pa košcie ad 3 da 5 BYN za 0,5. Kvas — pa 1 BYN.

Startuje fiestyval u subotu a 12:00, a zavieršycca da 23:00. Dabiracca da Łošyckaha parku zručniej za ŭsio na hramadskim transparcie abo rovary (na ŭvachodzie ŭ park praduhledžany viełaparkoŭki). U vypadku niepahadzi na fiestyvali budzie arhanizavany prodaž daždžavikoŭ. Niepaŭnaletnija hości zmohuć prajści na A-Fest tolki ŭ supravadžeńni darosłych. Kali łaska, vaźmicie z saboj pašpart, kab pry nieabchodnaści paćvierdzić svoj uzrost!

Niedastatkova nahod? Šukajcie padrabiaznaści ŭ sacyjalnych sietkach: