Prezident ZŠA Donald Tramp zajaviŭ, što 8 žniŭnia ŭ Archanhielskaj vobłaści Rasii vybuchnuła kryłataja rakieta ź jadziernaj enierhietyčnaj ustanoŭkaj «Buravieśnik» (Skyfall pavodle kłasifikacyi NATA).
«Złučanyja Štaty šmat čamu vučacca na vybuchu rakiety ŭ Rasii. U nas padobnyja, choć i bolš pieradavyja technałohii. Vybuch rasijskaj Skyfall prymusiŭ ludziej chvalavacca ab zabrudžvańni pavietra ŭ rajonie vyprabavańniaŭ i daloka za jaho miežami. Niadobra!» — napisaŭ Tramp u tvitary.
Pra toje, što vybuch u Archanhielskaj vobłaści adbyŭsia na puskavoj placoŭcy dla kryłatych rakiet «Buravieśnik» 9 žniŭnia paviedamiŭ amierykanski ekśpiert pa jadziernaj zbroi Džefry Ljuis. 12 žniŭnia The New York Times sa spasyłkaj na krynicy ŭ raźviedcy ZŠA napisała, što vybuchnuŭ mienavita pratatyp «Buravieśnika».
