Partuhalija vydała Biełarusi pradprymalnika z Hrodna, jaki nie dapłaciŭ u kaznu dziaržavy 1,2 młn rubloŭ, paviedamlaje Hienieralnaja prakuratura.
Były zasnavalnik pryvatnaj kampanii na praciahu 7 hadoŭ zakuplaŭ i pradavaŭ roznyja tavary za hatoŭku, ale ździełki afarmlaŭ pa padroblenych buchhałtarskich dakumientach. U padatkovyja spravazdačy taksama traplali iłžyvyja źviestki.
U vyniku jon nie zapłaciŭ padatkaŭ na 1,2 młn rubloŭ.
Kali ŭ dačynieńni da pradprymalnika raspačali kryminalnuju spravu, jon užo pražyvaŭ u Partuhalii. Na praciahu hoda vyrašałasia pytańnie ab jaho ekstradycyi. Uvieś hety čas uradženiec Hrodna znachodziŭsia ŭ mižnarodnym vyšuku. U červieni 2019 hoda Partuhalija vydała ŭciekača. Jaho ekstradavali ŭ Biełaruś.
Ciapier mužčynie pahražaje pakarańnie da 7 hadoŭ pazbaŭleńnia voli.
