Kancler Niamieččyny Anhieła Mierkiel ličyć, što ŭ skasavańni Dahavora ab likvidacyi rakiet siaredniaj i mienšaj dalokaści (DRSMD) vinavaty rasijski bok, piša Delfi.
«Ja vielmi škaduju ab tym, što Rasija dakazalna parušyła dahavor ab RSMD i takim čynam dała padstavu dla zakančeńnia hetaj damovy. Takim čynam była stračana častka [sistemy] abmiežavańniaŭ uzbrajeńniaŭ u Jeŭropie i va ŭsim śviecie. My budziem prykładać usie namahańni, sumiesna z našymi partniorami ŭ NATA, kab nastojvać na dalejšym abmiežavańni ŭzbrajeńniaŭ, i budziem zajmacca hetym u nastupnyja hady», — zajaviła Mierkiel.
Kancler taksama paabiacała, što NATA znojdzie ahulny adkaz u suviazi sa skasavańniem dahavora, a Niamieččyna pry hetym budzie dziejničać jak častka aljansu.
Publikujecca ŭ miežach śpiecyjalnaj rubryki «Naviny Hiermanii»