Premjer-ministr Italii Džuzepe Konte abviaściŭ pra adstaŭku, piša VVS.
Konte abviaściŭ pra svajo rašeńnie syści ŭ adstaŭku ŭ parłamiencie paśla taho, jak vice-premjer Matea Salvini pastaviŭ pytańnie pra davier uradu.
Pa słovach Konte, Salvini šukaŭ padstavu dla novych vybaraŭ z taho samaha momantu, jak jaho nacyjanał-kansiervatyŭnaja partyja «Liha» dasiahnuła pośpiechu na vybarach u Jeŭraparłamient.
Na jeŭrapiejskich vybarach «Liha» abahnała partnioraŭ pa kaalicyi z papulisckaha «Ruchu piaci zorak» z 34% hałasoŭ, sparadziŭšy čutki pra toje, što lidar «Lihi» Matea Salvini moža admovicca ad kaalicyi.
Pradmietam dla roznahałośsiaŭ stali pytańni davańnia bolšaj aŭtanomii asobnym rehijonam Italii i minimalnaha pamieru apłaty pracy.
Vynikam adstaŭki Konte, jak prahnazujuć u Italii, stanie stvareńnie ŭradavaj kaalicyi «Rucham piaci zorak» i levalibieralnaj Demakratyčnaj partyjaj. U vyniku Salvini i jaho papulisckaja Liha apynucca pa-za ŭradam. Varta adznačyć, što Salvini łabiravaŭ zbližeńnie Italii i Jeŭrasajuza z Rasijaj.
