74-hadovaja Nadzieja Rehnackaja — maci načalnika departamienta rehijanalnaj biaśpieki i procidziejańnia karupcyi Maskvy Uładzimira Rehnackaha — vałodaje kvateraj u elitnym žyłym domie. Pra heta paviedamlaje Fond baraćby z karupcyjaj rasijskaha apazicyjaniera Alaksieja Navalnaha.
Płošča kvatery — 146 kvadratnych mietraŭ. Rynkavaja cana takoha žylla składaje 200 miljonaŭ rasijskich rubloŭ (amal $3 miljony).
Kvateru Nadziei Rehnackaj u 2013 hodzie padaryŭ jaje syn. Da hetaha jon dva hady vałodaŭ žyllom sam. Rehnacki kupiŭ hetuju kvateru va ŭrada Maskvy. Fond śćviardžaje, što «kupla» — heta forma dareńnia. Horad vyłučaje sa svajho bałansu nieruchomaść i razdaje jaje čynoŭnikam.
Zhodna z dekłaracyjaj Rehnackaha, u 2018 hodzie jaho dachod skłaŭ 5,6 miljona rasijskich rubloŭ ($84 tysiačy).
