Amierykanskija kampanii pavinny nieadkładna pačać pošuk alternatyvy vytvorčaści svajoj pradukcyi ŭ Kitai u tym liku pieranieści jaje nazad u ZŠA. Pra heta napisaŭ u Twitter prezident krainy Donald Tramp.
«Našym vialikim amierykanskim kampanijam zahadana nieadkładna pačać pošuk alternatyvy Kitaju, u tym liku pačać pieranosić vytvorčaść na radzimu i rabić svaju pradukcyju na terytoryi ZŠA», — napisaŭ jon.
Tramp rastłumačyŭ, što, Kitaj «skraŭ našu intelektualnuju ŭłasnaść, my hublajem sotni miljardaŭ dalaraŭ štohod», a Kitaj maje namier praciahvać heta rabić. «Ja hetaha nie dapušču! Nam nie patrebny Kitaj, nam budzie našmat lepš bieź jaho», — napisaŭ prezident ZŠA. Tramp paabiacaŭ, što ŭ najbližejšy čas daść adkaz na novyja kitajskija pošliny.
