Daradca prezidenta ZŠA Donalda Trampa pa nacyjanalnaj biaśpiecy Džon Bołtan pryjedzie na hetym tydni ŭ Biełaruś, paviedamlaje Foreign Policy.
Zapłanavany vizit Bołtana źjaŭlajecca vyraznaj prykmietaj razmarožvańnia adnosin ź Biełaruśsiu, i źviazany z tym, što sam Tramp imkniecca palepšyć adnosiny z rasijskim prezidentam Uładzimiram Pucinym, paviedamlaje vydańnie.
U hetym stahodździ heta pieršy vizit pradstaŭnikoŭ urada ZŠA ŭ Biełaruś na takim vysokim uzroŭni.
Vydańnie adznačaje, što Maskva taksama imkniecca pahłybić svaje ŭłasnyja suviazi ź Minskam na fonie čutak pra toje, što palityčny sajuz ź Biełaruśsiu moža zabiaśpiečyć Pucinu novy termin u 2024 hodzie.
«Bołtan vydatna razumieje, što Pucin pravodzić ahresiŭnuju palityku i što ahresiŭnaja palityka Pucina taksama moža ŭklučać u siabie niejkija zadumy ŭ dačynieńni da Biełarusi», — skazaŭ Džon Chierbst, były ambasadar ZŠA va Ukrainie.
«Stavicca da jaje [Biełarusi] jak da čornaj dzirki i ihnaravać jaje — pamyłka. Heta nie pryviało da prasoŭvańnia napierad u śfiery praŭ čałavieka», — skazaŭ Majkł Karpienter, były namieśnik pamočnika ministra abarony ZŠA pa pytańniach Rasii, Ukrainy i Jeŭrazii.
