Francuzski akcior i vinarob Žerar Depardjo, jaki dvojčy naviedvaŭ Biełaruś i vykazvaŭ namier pažyć u nas «siarod sialan», atrymaŭ učastak u vioscy Łaparavičy, piša Tut.by.
Pavodle vypiski z Adzinaha dziaržaŭnaha rehistra nieruchomaj majomaści, u vioscy pa rašeńni Papiarnianskaha sielvykankama ad 26 sakavika 2019 hoda byŭ vydzieleny ziamielny ŭčastak na 0,1500 ha dla dla budaŭnictva i absłuhoŭvańnia adnakvaternaha žyłoha doma.
Damova arendy na hety ŭčastak u toj ža dzień, 26 sakavika, zaklučana pamiž Papiarnianskim sielvykankamam i hramadzianinam Rasii, jaki prapisany ŭ Saransku, Žeraram Ksaŭje Depardjo na 99 hadoŭ.
Hadavy košt arendy — 132,96 rubla.
Učastak dla Depardjo znachodzicca u rajonie vulicy Spartyŭnaj. Susiedziami francuzskaha akciora stali Darja Domračava i jaje trenier Adryjan Cybulski.