Pieršy ultrakarotkafokusny łazierny 4K prajektar LG Ultra Short Throw (UST) 4K UHD CineBeam Laser (madel HU85L) i śviatłodyjodny 4K prajektar LG 4K UHD CineBeam LED (madel HU70L) zdolnyja stvarać nadzvyčaj vyraznyja bujnamaštabnyja vyjavy. Jany pastupiać u prodaž u Jeŭropie ŭ nastupnym miesiacy.
Dziakujučy inavacyjnaj łaziernaj i śviatłodyjodnaj technałohii biez kalarovaha koła abodva prajektary z razroźnieńniem 4K UHD dajuć vydatnuju jakaść vyjavy i nievierahodnuju dakładnaść kolerapieradačy. Novaja technałohija dapamahaje stvarać bolš dakładnyja i vyraznyja vyjavy ŭ paraŭnańni z tradycyjnaj technałohijaj Digital Light Processing (DLP) z kalarovym kołam. Akramia taho, jana faktyčna likviduje pabočnyja vizualnyja efiekty: efiekt viasiołki, pamutnieńnie i skažeńnie koleru.
Madel HU85L atrymała mnostva ŭznaharod, uklučajučy 2019 CES Innovation Award, Red Dot Design Award i iF Design Award. U joj vykarystoŭvajecca trochkanalnaja łaziernaja sistema dla farmiravańnia koleraŭ z asobnymi łaziernymi krynicami čyrvonaha i siniaha śviatła, ź zialonym, jaki stvarajecca pry dapamozie jašče adnoj krynicy siniaha śviatła i ekskluziŭnaj technałohijaj LG biez kalarovaha koła. Takaja ŭnikalnaja kanfihuracyja zabiaśpiečvaje nadzvyčaj dakładnuju kolerapieradaču ŭ 97% kalarovaha achopu DCI-P3 i apracoŭku koleru da 12 bit dla nievierahodna detalizavanych i jarkich malunkaŭ da 2700 ANSI lumien. A dziakujučy technałohii UST madel LG HU85L možna ŭstaloŭvać na adlehłaści ŭsiaho 5,6 santymietra ad ściany, kab atrymać sprajecyjavanuju vyjavu dyjahanallu 90 calaŭ, abo na adlehłaści 18 santymietraŭ, kab atrymać vialikuju karcinku pamieram 120 calaŭ.
Bolš kampaktny prajektar HU70L dazvalaje atrymać jarkija ŭražańni ad prahladu chatniaha kinateatra z hłybokim i nasyčanym malunkam pamieram da 140 calaŭ i jarkaściu 1500 ANSI lumien. U prajektary vykarystoŭvajecca krynica śviatła novaj kanstrukcyi, jakaja zabiaśpiečvaje 92% kalarovaha achopu DCI-P3. U im vykarystoŭvajucca čatyry śviatłodyjody dla farmiravańnia čyrvonaha, zialonaha i siniaha koleraŭ, a čaćviorty śviatłodyjod užyvajecca dla pavyšeńnia jarkaści i kantrasnaści malunka, što stvaraje bolš jarkija kolery z mnostvam adcieńniaŭ (u paraŭnańni sa zvyčajnymi śviatłodyjodnymi prajektarami) za košt dynamičnaha rehulavańnia ŭzroŭniaŭ zialonaha.
Dziakujučy padtrymcy standartu HDR10 novyja prajektary LG paciešać hledačoŭ realistyčnymi vyjavami z bolš hłybokim čornym i bolš jarkimi kolerami. Technałohija TruMotion robić vyjavy jašče bolš realistyčnymi, ruchi — jašče bolš płaŭnymi i naturalnymi. Vykarystańnie šaścistupienievaha 4K-apskiejlera kampanii LG dazvalaje hledačam prahladać kantent farmatu Full HD va ultravyraznym razroźnieńni 4K.
Abodva prajektary CineBeam padajuć mnostva varyjantaŭ strumienievaha kantentu, a taksama roznyja varyjanty padłučeńnia, u tym liku USB, HDMI, Ethernet i biespravadnoje dublavańnie malunka (pryład na Android i iOS). Dziakujučy pryznanamu rašeńniu LG webOS 4.5 karystalniki mohuć naŭprost atrymlivać dostup da papularnych patokavych dadatkaŭ, takich jak Netflix, Amazon, YouTube i inšych z dapamohaj intuityŭna zrazumiełaha firmovaha pulta Magic Remote z padśvietkaj knopak dla zručnaści vykarystańnia navat u samych ciomnych pamiaškańniach.
«Našy novyja 4K-prajektary dastatkova ŭniviersalnyja, kab adnolkava dobra pracavać i doma, i ŭ ofisie, — kaža Džanh Ič-Chvan, kiraŭnik padraździaleńnia IT-biznesu kampanii LG. — Pradstaviŭšy inavacyi, jakija padymajuć jakaść vyjavy i zručnaść karystalnika na zusim novy ŭzrovień, LG pierahladaje kancepcyju sučasnaha prajektara i praciahvaje pašyrać miežy mahčymaha».
