Prezident ZŠA Donald Tramp paviedamiŭ žurnalistam, što nie pajedzie ŭ Polšču z-za štormu, što nabližajecca na Štaty, paviedamlaje RBK.
«Kab pierakanacca, što ŭsie resursy fiederalnaha ŭrada skancentravany na štormie, ja vyrašyŭ adpravić našaha vice-prezidenta Majka Piensa ŭ Polšču ŭ hetyja vychodnyja», — zajaviŭ Tramp. Prezident zajaviŭ, što dla jaho vielmi važna znachodzicca ŭ ZŠA padčas štormu, što, jak čakajecca, budzie mocnym.
Tramp taksama paviedamiŭ, što pierahavaryŭ z polskim kaleham Andžejem Dudam, i zajaviŭ ab płanach naviedać Polšču ŭ najbližejšaj budučyni.
Vizit Trampa ŭ Polšču pavinien byŭ adbycca z 31 žniŭnia pa 2 vieraśnia. Tam jon pavinien byŭ prysutničać na mierapryjemstvach z nahody 80-j hadaviny pačatku Druhoj suśvietnaj vajny.
Rašeńnie kiraŭnika Biełaha doma źviazana z urahanam «Doryjan», što nabližajecca da Fłarydy. Čakajecca, što da paniadziełka, 2 vieraśnia, štorm abryniecca na ŭschodniaje ŭźbiarežža Fłarydy, što pryviadzie da praliŭnych daždžoŭ i vietru chutkaściu 209 km/h.
