Prezident Ukrainy Uładzimir Zialenski prapanuje źmienšyć skład Viarchoŭnaj Rady da 300 deputataŭ (ciapier ich pa zakonie 450) i ŭvieści praparcyjnuju vybarčuju sistemu (deputaty buduć vybiracca tolki pa partyjnych śpisach, biez hałasavańnia ŭ adnamandatnych akruhach), paviedamlaje Ukrajinśka pravda.
U Kanstytucyi Ukrainy prapanujecca prapisać: «Kanstytucyjny skład Viarchoŭnaj Rady Ukrainy — trysta narodnych deputataŭ Ukrainy, jakija abirajucca terminam na piać hadoŭ».
Akramia hetaha Zialenski prapanuje ŭvieści taki vybarčy cenz, jak vałodańnie dziaržaŭnaj movaj:
«Narodnym deputatam Ukrainy moža być hramadzianin Ukrainy, jaki dasiahnuŭ na dzień vybaraŭ 21 hoda, jaki maje prava hołasu, jaki pastajanna pražyvaje va Ukrainie nie mienš za apošnija 5 hadoŭ i jaki vałodaje dziaržaŭnaj movaj».
U artykule 77 płanujecca norma, jakoj zamacoŭvajecca praparcyjnaja vybarčaja sistema na parłamienckich vybarach.
