Palicyja Hankonha vykarystała vadamioty i humovyja kuli suprać demanstrantaŭ u subotu. Dziasiatki tysiač demanstrantaŭ prajšli maršam pa vulicach horada, praihnaravaŭšy zabaronu haradskich uładaŭ. Napiaredadni ŭ horadzie byli aryštavanyja niekalki prademakratyčnych aktyvistaŭ i zakanadaŭcaŭ, paviedamlaje Bi-bi-si.

Akcyi pratestu ŭ horadzie praciahvajucca 13-y tydzień, udzielniki vystupajuć za adklikańnie zakonaprajekta ab ekstradycyi padazravanych u złačynstvach sudam kantynientalnaha Kitaja i suprać pieratvareńnia Hankonha, jaki žyvie pavodle brytanskaha prava i na asablivych umovach, u typovy kitajski horad.

Čytajcie taksama: Čamu i jak pratestuje Hankonh

Pratestoŭcy supraciŭlalisia razhonu śpiecnazam kaktejlami Mołatava. Palicyja ŭžyvaje suprać ich hranaty sa ślezaciečnym hazam. Niahledziačy na ​​aharodžy, pratestoŭcam udałosia atakavać haradski parłamient, pieradaje CNN.

U piatnicu źjaviłasia paviedamleńnie, što Piekin nie staŭ adklikać pa prośbie ŭładaŭ Hankonha zakon ab ekstradycyi na macierykovy Kitaj. 1 kastryčnika Piekin budzie adznačać 70-hodździe ŭtvareńnia Kitajskaj narodnaj respubliki, ekśpierty adznačajuć, što pierad śviatam Kampartyja nie hatovaja iści na sastupki aktyvistam, piša Radyjo Svaboda.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?