Płany ekanamičnaha raźvićcia krainy ŭ nastupny pieryjad, dyviersifikacyja ekspartu i pytańni raźvićcia supracoŭnictva z Rasijaj vyniesienyja na naradu ŭ kiraŭnika Biełarusi pa aktualnych pytańniach raźvićcia ekanomiki, pieradaje BiełTA.
«Usim zrazumieła, što apošnija miesiacy, čaćviorty kvartał luboha hoda — heta vypracoŭka płanaŭ raźvićcia krainy na budučyniu. Pierš za ŭsio płanavańnie na budučy hod. Vytvorčaści, dy i ŭvohule ŭsiaho našaha žyćcia. Ja nie adzin raz kazaŭ, što hety i nastupny — heta hady asablivyja — parłamienckich i prezidenckich vybaraŭ. My zdajem ispyt. Tamu ŭsiudy my pavinny padciahnucca, jak treba», — skazaŭ Alaksandr Łukašenka.
Kiraŭnik dziaržavy znoŭ źviarnuŭ uvahu ŭrada na nieabchodnaść pošuku novych rynkaŭ dla ekspartu ajčynnaj pradukcyi.
«Heta samaja hałoŭnaja asnoŭnaja zadača — dyviersifikavać rynki zbytu, nie straciŭšy prybytkovaść pry prodažy našaj pradukcyi. Tak, my ruchajemsia ŭ hetym kirunku, ale vielmi marudna», — kanstatavaŭ Alaksandr Łukašenka.
«Nichto nie chavaje, što Rasija — heta asnoŭny rynak realizacyi našaj pradukcyi, — dadaŭ jon. — Zaležnaść vielmi vialikaja, chaj navat ad brackaj krainy. Zaležnaść našaj krainy ad pastavak, pierš za ŭsio, vuhlevadarodnaj syraviny vielmi vialikaja».
Kiraŭnik dziaržavy adznačyŭ, što pytańnie supracoŭnictva z Rasijaj i vypracoŭki kančatkovych prapanoŭ pa dalejšych dziejańniach u ramkach intehracyi zastajecca aktualnym. «I heta pytańnie my pavinny siońnia abmierkavać. Treba dakładna spłanavać na budučyniu, pa jakich napramkach, jak my budziem raźvivacca, i vyznačycca», — padkreśliŭ jon.
Alaksandr Łukašenka skazaŭ, što, niahledziačy na toje, što ciapier jon u asnoŭnym sočyć za situacyjaj u sielskaj haspadarcy, tym nie mienš nie vypuskaje z-pad uvahi i inšyja siektary ekanomiki.
«Vykanańnie płanaŭ pa ŭsich napramkach — hałoŭnaja zadača ŭrada. Tam užo kryŭdzicca budzie nie na kaho. My z vami spłanavali, ja zaćvierdziŭ hetyja płanavyja zadańni z vašaj padačy, i vykanać my ich abaviazany. Heta zadača nie tolki kožnaha čynoŭnika, ale i kožnaha hramadzianina Biełarusi», — padkreśliŭ jon.
