Pra heta zajaviła siońnia daradca kiraŭnika litoŭskaj dziaržavy Hitanasa Naŭsiedy Asta Skajshirycie, piša Delfi.lt
Kiraŭnik hrupy daradcaŭ pa zamiežnaj palitycy adznačyła, što pakul rana razvažać pra toje, ci jość umovy dla sprobaŭ adnavić adnosiny z susiedniaj krainaj na najvyšejšym uzroŭni, naprykład, zaprasić u Vilniu Alaksandra Łukašenku.
«Ja nie viedaju, ci jość ciapier umovy dla zaprašeńnia ŭ Vilniu Alaksandra Łukašenki. Kantaktavać ź Biełaruśsiu nie abaviazkova aznačaje zaprašać A. Łukašenku, možna kantaktavać na vyklučnym pracoŭnym uzroŭni, što prezident Litvy nie raz akcentavaŭ. Naša pryhraničnaje, transpartnaje, mytnaje supracoŭnictva nieabchodna, zusim prahmatyčnaje, pracoŭnaje», — skazała ŭ aŭtorak A. Skajshirycie.
Jana taksama adznačyła, što H. Naŭsieda ŭ dačynieńni da Biełarusi choča «zadziejničać kłasičnuju dypłamatyju». «Treba, kab tam u dypłamataŭ była suviaź, infarmacyja pra toje, što adbyvajecca ŭ Biełarusi. Ja dumaju, što takija taktyčnyja dziejańni nijak nie abumoŭlivajuć niejkija istotnyja źmieny ŭ źniešniaj palitycy Litvy», - skazała A. Skajshirycie.
