Rasijskija dypłamatyčnyja dačy ŭ Merylendzie i Ńju-Jorku, dostup da jakich byŭ zakryty pa rašeńni prezidenta Baraka Abamy ŭ śniežni 2016 hoda, vykarystoŭvalisia dla pierachvatu danych FBR i dapamohi rasijskim raźviedčykam na terytoryi Złučanych Štataŭ, paviedamlaje Yahoo News. Mienavita z hetych dač vioŭsia pierachvat zasakrečanaj infarmacyi FBR, dziakujučy čamu rasijanam udavałasia nie dapuskać vykryćcia svaich ahientaŭ na terytoryi ZŠA.
U Vašynhtonie ličyli, što imaviernaść uciečki infarmacyi nastolki vialikaja, što CRU i FBR pryjšłosia navat pierapynić suviaź ź niekatorymi sa svaich ahientaŭ u Rasii.
Apieracyja rasijskaj raźviedki na terytoryi ZŠA pačałasia jašče ŭ pačatku 2010-ch hadoŭ, kali hrupa ahientaŭ sprabavała zavierbavać pradstaŭnikoŭ amierykanskaha isteblišmientu, u tym liku biznesmiena Kartara Pejdža, jaki paźniej uvachodziŭ u vybarčy štab Donalda Trampa. Raskryć sakretnyja kody FBR im udałosia prykładna ŭ 2011-2012 hadach. Tady ž u rasijskich raźviedčykaŭ źjaviłasia mahčymaść prasłuchoŭvać śpiechrupy FBR, jakija zajmalisia vyjaŭleńniem špijonaŭ. Śpiecyjalnaje abstalavańnie dla hetaha jak raz i znachodziłasia na terytoryi dač.