kp.ua
Dom byłoha kiraŭnika Nacyjanalnaha banka Ukrainy Valeryi Hontaravaj pad Kijevam zhareŭ u noč na 17 vieraśnia. Pra heta paviedamiŭ u svaim fejsbuku Uładzisłaŭ Raškavan.
«Siońnia nočču dom Valeryi Hontaravaj pad Kijevam zhareŭ daščentu. U cełym heta vielmi drenna dla krainy, i nastupstvy ŭ hety čas ciažka acanić», — napisaŭ jon.
Sama Hontarava napisała: «Pavažanyja kalehi, tolki što naš dom pad Kijevam u pasiołku Hareničy spalili. Kinuli butelku z zapalnaj sumieśsiu praz płot. Dom całkam zhareŭ. Pažarnym nie ŭdavałasia jaho navat patušyć».
Jana zajaviła, što «užo nie viedaje, da kaho źviartacca», i dadała, što «teror praciahvajecca», paviedamlaje Interfaks-Ukraina.
Raniej była spalenaja mašyna niaviestki eks-kiraŭnika NBU. Incydent adbyŭsia 5 vieraśnia ŭ centry Kijeva.
Hontarava zaraz žyvie ŭ Łondanie, jana znachodzicca na lačeńnie paśla taho, jak na jaje najechaŭ aŭtamabil.
Valeryja Hontarava była kiraŭnikom Nacbanka Ukrainy z červienia 2014 pa sakavik 2018 hoda, jana viadomy finansist, miljanier. Letam 2018 h. pakinuła krainu, pracuje ŭ Łondanskaj škole ekanomiki. U žniŭni 2019 hoda, Hienieralnaja prakuratura Ukrainy vyklikała jaje na dopyt ŭ jakaści padazravanaj pa spravie ab prysvajeńni, rastracie majomaści abo zavałodańni joj šlacham złoŭžyvańnia słužbovym stanoviščam). Eks-kiraŭnik NBU admaŭlaje svaju datyčnaść da hetaj spravy i prylatać va Ukrainu i iści na dopyt admoviłasia.
