Fota Nadziei Bužan
Termin dziejańnia prahramy siamiejnaha kapitału praciahvajecca z 1 studzienia 2020 hoda pa 31 śniežnia 2024 hoda z pašyreńniem napramkaŭ jaho daterminovaha vykarystańnia zychodziačy ź intaresaŭ šmatdzietnych siemjaŭ. Heta praduhledžana ŭkazam №345 «Ab siamiejnym kapitale», jaki Alaksandr Łukašenka padpisaŭ 18 vieraśnia, paviedamili BIEŁTA ŭ pres-słužbie biełaruskaha kiraŭnika.
Paviedamlajecca, što farmiravańnie siamiejnaha kapitału budzie ažyćciaŭlacca ŭ biełaruskich rublach, z bazavym pamieram na 1 studzienia 2020 hoda 22,5 tys. rubloŭ. Pry hetym dla zachavańnia pakupnickaj zdolnaści pamier siamiejnaha kapitału budzie štohod indeksavacca ŭ zaležnaści ad tempaŭ rostu spažyvieckich cen.
Ukazam taksama praduhledžana, što prava na pryznačeńnie siamiejnaha kapitału majuć hramadzianie Biełarusi pry naradžeńni (usynaŭleńni, udačareńni) treciaha ci nastupnych dziaciej, kali z ulikam narodžanaha (usynoŭlenaha) dziciaci ŭ siamji vychoŭvajucca nie mienš za troje dziaciej va ŭzroście da 18 hadoŭ.
Pryznačeńnie siamiejnaha kapitału ažyćciaŭlajecca pry zvarocie ŭ miascovyja vykanaŭčyja i rasparadčyja orhany. Prava na zvarot pa pryznačeńnie siamiejnaha kapitału moža być realizavana na praciahu 6 miesiacaŭ z dnia naradžeńnia (ŭsynaŭleńnia, udačareńnia) treciaha i nastupnych dziaciej, a prava na rasparadžeńnie srodkami siamiejnaha kapitału — pa zakančeńni 18 hadoŭ z daty naradžeńnia dziciaci, u suviazi z naradžeńniem (usynaŭleńniem, udačareńniem) jakoha siamja nabyła prava na pryznačeńnie siamiejnaha kapitału.
Paśla zakančeńnia 18 hadoŭ z daty naradžeńnia dziciaci, u suviazi z naradžeńniem (usynaŭleńniem, udačareńniem) jakoha siamja nabyła prava na siamiejny kapitał, srodki siamiejnaha kapitału mohuć być vykarystany na palapšeńnie žyllovych umoŭ, atrymańnie adukacyi, pasłuh u śfiery sacyjalnaha absłuhoŭvańnia, achovy zdaroŭja, farmiravańnie nazapašvalnaj piensii maci.
Daterminova srodki siamiejnaha kapitału mohuć być vykarystany na palapšeńnie žyllovych umoŭ šmatdzietnych siemjaŭ, jakija stajać na ŭliku dla palapšeńnia žyllovych umoŭ; atrymańnie pasłuh u śfiery adukacyi (dla apłaty navučańnia pry atrymańni členami siamji siaredniaj śpiecyjalnaj abo vyšejšaj adukacyi ŭ dziaržaŭnych ustanovach adukacyi); atrymańnie płatnych miedycynskich pasłuh, što akazvajucca arhanizacyjami achovy zdaroŭja.
Paradak i kankretnyja mety vykarystańnia srodkaŭ siamiejnaha kapitału, a taksama paradak i ŭmovy ich daterminovaha vykarystańnia vyznačajucca Savietam Ministraŭ.
Hetyja srodki buduć raźmiaščacca va ŭkłady (depazity) «Siamiejny kapitał» u Biełarusbanku.
Srodki, u dačynieńni da jakich hramadzianie nie źviarnulisia na praciahu 3 hadoŭ paśla zakančeńnia 18 hadoŭ z daty naradžeńnia dziciaci, u suviazi z naradžeńniem (usynaŭleńniem, udačareńniem) jakoha siamja nabyła prava na pryznačeńnie siamiejnaha kapitału, albo nie vykarystanyja na praciahu 5 hadoŭ paśla padačy zajavy ab rasparadžeńni imi, padlahajuć viartańniu ŭ respublikanski biudžet.
U metach zabieśpiačeńnia roŭnych mahčymaściaŭ dla šmatdzietnych siemjaŭ, jakim siamiejny kapitał pryznačany raniej (pa prahramie 2015-2019 hadoŭ), ukazam taksama pradastaŭlena im prava na daterminovaje vykarystańnie hetych srodkaŭ pa pieraličanych nakirunkach
