Jak piša RBK-Ukraina, na moście Mietro ŭ Kijevie ŭ suviazi z pahrozami vybuchu pravodziłasia palicejskaja śpiecapieracyja. Pra heta zajaviŭ načalnik palicyi Kijeva Andrej Kryščanka, pieradaje pres-słužba Ministerstva ŭnutranych spraŭ Ukrainy.
Pavodle jaho słoŭ, u Kijevie uviedzieny śpiecyjalny apieratyŭny płan. «Nieviadomy robić streły i pahražaje vybucham. My pravodzim śpiecyjalnuju palicejskuju apieracyju. Ciapier tut znachodziacca pradstaŭniki ŭsich słužbaŭ. Ruch aŭtamabilaŭ i ciahnikoŭ mietro na moście pierakryty. Śledčyja staličnaj palicyi kvalifikujuć zdareńnie jak padrychtoŭku da terarystyčnaha aktu», — zajaviŭ Kryščanka.
Jak vyśvietlili ŚMI, mužčyna, jaki pahražaje padarvać most, — 42-hadovy vychadziec z anieksavanaha Kryma Alaksiej Bialko. Krynicy ŭ pravaachoŭnych orhanach raspaviali, što ŭ červieni 2019 hoda jon dobraachvotna zdaŭ u palicyju Kijeva 1 kh vybuchoŭki i 88 patronaŭ. Pavodle jaho słoŭ, jon znajšoŭ ich «u siejfie ŭ vioscy na Čarnihaŭščynie».
Praź niekalki hadzin pracy palicyi «miniora» zatrymali.
